VÚÚÚÚÚÚHÚÚÚÚÚÚÚ!!!

sjáumst tuttugastaogáttunda.. sumir brúnni en aðrir ;)

The lost blogs

hér eru meðfylgjandi tvö afar mikilvæg blogg síðustu viku sem sökum tölvuskorts komust ekki á óravíddir ínternetsins. Þau eru mjög ólík en fá þó hér að flakka saman:

7. júlí - London lament

Mikið afskaplega líður mér illa í dag.

Borgin mín, borgin mín í lamasessi eftir óheyrilega árás ofstækismanna sem ekkert hugsa um annað en það að myrða þá sem voga sér að reyna að lifa eigin lífi öðruvísi en þeir og "gegn" skoðunum þeirra og trú. Árásinni beint gegn fólki af öllum kynþáttum, líka þeirra eigin og ALDREI má ásaka þjóðflokka eða kynþætti um slík voðaverk. Hér er um mun ógeðfelldari og þrengri hóp að ræða sem er skítsama um allt annað en sjálfan sig og sína rétttrú.

Á hverjum degi í tvö ár kom ég á Moorgate stöðina í City. Í hverri viku fór ég á Liverpool Street stöðina. Brunaði í gegn um Kings Cross tvisvar á dag. Þennan dag var lokadagurinn í Guildhall þetta árið, fullt af vinum mínum og kunningjum að ferðast þangað.. Moorgate er næsta stöð við skólann. Þetta er óhugnanlegra en orð fá lýst.

Fyrir mér hefðu þeir eins getað sprengt upp Hlemm eða Lækjartorg.

Borgin mín, borgin mín.

8. júlí - ellismellurinn ég..

er víst formlega skriðin á fertugsaldurinn í dag. Ánægjulegt!

(reyndar bara fínt.. finnst frábært að vera að eldast, maður er allur miklu ánægðari með sjálfan sig og lífið en áður, tala nú ekki um þroskaðri og umburðarlyndari. Myndi sko ÞOKKALEISJÓN ekki vilja fara tíu ár aftur í tímann og verða sú sem ég var þá..)

Mér finnst samt ógeðslega skemmtilegt að eiga afmæli. Maður eldist víst seint upp úr því ef maður er ég sko ;)

syndabælið snilldarlega..

Fórum á Sin City í gær.

Vá.

Á ekki til orð en læt fremur herra badabing.is eiga þau fyrir mig.

jahh.. ætla samt að eiga þrjú. Snilld og aftur snilld. (jájá okok þetta voru fjögur.. meiri smámunasemin í ykkur alltaf!)

hom svit hom i 4 daga

jæja, komin heim í mýflugumynd.. hér er stoppað í 3 daga þar til haldið er til bella Italia.

Þrennir frábærir tónleikar, hegglíngur af æfingum, hegglíngur af upptökum, skrönglast upp á Vörðufell, rölt niður í gjá og fossar skoðaðir, farið að stöng og þaðan að hjálparfossi, farið í annað skipti að hjálparfossi og þaðan í eyðimerkursundlaug, vaskað upp, spilað ótæpilega af tíu, nefleiknum, kana og aktsjónarí, glápt ótrúlega lítið á sjónvarpið, farið þrisvar sinnum í Þjórsárdal ÁN þess að sjá Heklu, hlegið óendanlega mikið, troðið sér í nýja pilsið með miklum tilþrifum, farið óvenjulítið í pottinn sökum ömurlegs veðurlags, gengið mjög oft í kirkju, keyrt mjög oft milli
reykjavíkur og skálholts, drukknir ÖRfáir bjórar og smávegis af víni (rauðu og hvítu, var ekki pikkí), sletta af móhítós og öðru, borðaður stórfenglegur matur og nammihrúgur, bakaðar tvær ammælissjúkkulaðikökur og bornar fram með jarðarberjum, hindberjum og rjóma, lesin ein bók og ráðnar tvær sunnudagskrossgátur..

kannski ekkert skrýtið þó ég sé alveg gjörsamlega að hrynja útaf.

En Skál!holt klikkar sko aldrei :D