ó mig auma..

jæja, þá er búið að fara niður í kjallara og sækja eyrnaskjólin, dusta rykið af augnblöðkunum og fara í bankann að slá lán til að geta keypt vídeóspólur, geisladiska og lesefni til endingar í tvo mánuði og slá auk þess víxil fyrir kosnaðaraukningunni sem fylgir því að kaupa allan mat og aðrar nauðsynjavörur á íbei og þesslags vefsíðum.

Ef ég heyri minnst á jólin fyrir 22. desember mun ég springa í loft upp og eftir stendur rjúkandi rúst á háum hælum.

Ónei.. svo gott er það nú víst ekki verandi kennandi krakkahrúgu sem er níu ára og uppúr og eiga eftir að syngja á óendanlega mörgum jólagiggum. En þau byrja þó allavega ekki fyrr en seinni hluta nóvember giggin og ekki grísirnir ef ég fæ einhverju um það ráðið.

Verð víst að sætta mig við lendingu númer tvö sem ég gerði líka í fyrra, að reyna af fremsta megni að forðast kringlur, lindir, ver og önnur forgörð helvítis í sona mánuð. Þangað til ég get horft á feitan skeggjaðan kall í rauðum spandexgalla án þess að kúgast.