jæja..

Gleðilega páska öll sömul! :D


fór í messu í morgun eins og lög gera ráð fyrir sem var gífurlega hressandi miðað við að hafa verið í frábæru brúðkaupi í gær hjá Hrönnslu og Helga þar sem var ekkert rosalega mikið af mat og ekkert rosalega lítið af áfengi.. hrmm.. en svaka stuð og takk fyrir mig aftur :D

Í morgunmatnum eftir messuna vorum við að lesa málshættina okkar og voru þeir missniðugir eins og gengur. Sumir voru ansi góðir, Jón Helgason komst t.d. að því að hann gæti ekki dansað við sjálfan sig og vakti það töluvert fliss í liðinu. Bryndís átti þó vinninginn með "málshættinum" Oft fylgir sviði sárum kláða. Gífurlega smekklegt svona snemma morguns.

Í kjölfarið fylgdu nokkrir heimasmíðaðir og voru þeir ansi góðir, þar átti þó hinn sniðugi Finnbogi vinninginn með Fjarlægðin gerir fjöllin blá og Hafnfirðinga seina á æfingar.