einn skorinn latte í neskaffi á morgun takk.

Mæli EINDREGIÐ með tónleikum okkar í Rinacente í Neskirkju annað kveld kl 20.30 þar sem frumflutt verður á Íslandi meirihlutinn af óratoríu Alessandros Scarlatti: La Santissima Trinitá (samið 1724 að því talið er). Rosalega skemmtileg tónlist með órígínal hljóðfærum sem frændgarðurinn spilar á af mikilli list.
Það er sko alveg greinilegt að Mozart gamli hélt mikið upp á Scarlatti diskinn sinn og hlustaði á hann trekk í trekk. Kannski var hann jafnvel með hann í bílnum! Fullt af stöðum sem minna mann óneitanlega á Mozza gamla.

Þar eð ekki verður allur óróinn fluttur sökum tenóraniðurfalls verða litlir fyrirlestrar inná milli kafla til að kynna áhorfendur aðeins fyrir þessari tónlist því ekki hefur hún nú verið mikið flutt hingað til og er það (morður og) miður.

Eins og áður sagði er nú hljósseit í fyrsta skipti með (stakk nú uppá að við tækjum þátt í mússíktilraunum við litlar undirtektir..) og eru það mín indælu frændsystkin Hilda og Siggi sem eru þar fremst í flokki ásamt sembalglamraranum og nýgiftingnum Steina, aðrir spilisnillingar eru Örnólfur, Martin Frewer og Sarah Buckley. Og enn skemmtilegra er að þriðja frændsystkinið hún Marta er að syngja með okkur gömlu góðu hrínascentemeðlimum (sumsagt mér, Hrólfi og Jóhönnu).

Glæzilegt prógramm er á tónleikunum með þýðingum á öllum textum svo auðvelt er að fylgjast með hinni æsispennandi atburðarás óróans...

Innkosnaður er skitinn 1500 kall (gefið bara! Ímyndið ykkur bara hvað myndi kosta inn á þennan concert í Halla Gríms) og ég lofa frábærum tónleikum!