því lengilengi lifi hún sem listir allar kann!!!



Í dag er snillingurinn Hildigunnur systir mín fertug. Hún Hildigunnur systir mín er stórfengleg manneskja. Ekki nóg með að hún sé frábært tónskáld, fiðluleikari, söngkona, kokkur, lestrarhestur, kennari, tölvuséní, mamma, eiginkona, gestgjafi, vínsnobbari og matreiðslubókasafnsfræðingur heldur er hún líka ein skemmtilegasta, yndislegasta, jákvæðasta og ljúfasta manneskja sem ég þekki.

Og einn besti vinur sem ég á.

Á hana Hildigunni systur mína er ALLTAF hægt að treysta. Hundrað og fimmtíu prósent. Og það eru ekki til margar svoleiðis manneskjur í þessum heimi.

Endalausir kossar og knús í dag elsku besta stóra systir mín.. :)