ok fjúkkitt

þarf ekki að flytja í Kópavoginn..

mikið lifandis skelfingar óskup

er ég fegin að vg ætla að bjóða fram undir eigin merkjum í henni Reykjavík.

Ég sverða, að ef það verður val á milli Gísla "efstastig" Marteins og Stefáns "bullkóngs" Hafsteins í borgarstýrustólinn þá fer mér nú bara að finnast ansi gott að búa í kóbbavogi.

Þeir eru þó allavega menningarlegir.

minn eini

og haldiði svo ekki að alteregóið mitt, þessi Hallveig þarna sé LÍKA í úbartinu í kvöld..

það er aldeilis sem við erum vinsælar í Efstaleitinu í dag..

Ji

haldiði að það hafi ekki bara verið langur þáttur um undirritaða í útvarpinu áðan!

og ég sem náði ekki nema rétt seinni helmingnum!

Það er nú LÁGMARKIÐ að láta mann vita!

happy go lucky

fjórtán lög komin á tveimur dögum og geri aðrir bakflæðisjúttlingar betur ;)

saucy miðbæjarrölt

Skrapp í bæinn í gær og fékk mér kaffi með læknanemanum, svona til að fá restarnar af ammrigguslúðri, þessar sem sluppu undan á emmessenninu. Áttum notalega stund yfir kappúsjínó (eins og fyndna barnið segir það) og skildu svo leiðir.

Ég ákvað að rölta mér upp í Skífu og gera heiðarlega tilraun til að finna disk sem mig sárlega vantar (já einmitt!) og kom við á bás mótmælandana í sirkusportinu. Þar mátti finna allskyns skemmtilega skartgripi til sölu til styrktar þeirra frábæra málefni og ég stóð lengi við og skoðaði. Keypti mér að lokum ferlega fyndið og flott armband úr gaffli sem ég fíla í botn. Við básinn stóð listakonan sjálf og svo var einhver gaur að væflast þarna um og leit út fyrir að vera að vinna þarna. Þegar ég var búin að borga og gekk frá hendist þessi maður upp að mér og spyr hvort ég væri til í að þiggja kaffi eða hvítvínsglas með honum. Mér brá nokkuð í brún og ég afþakkaði kurteislega, enda jú ráðsett og hamingjusamlega gift húsfrú í austurbænum sem legg ekki í vana minn að setjast með ókunnugum mönnum á knæpur um miðja mánudaga.

Held svo ferð minni áfram upp í okurbúlluna og það er ekki fyrr en þar inn um tilboðs-wagnerinn og króatíu-vivaldíinn sem ég fatta að þarna var á ferð mikilsvertur rithöfundur og fjölmiðlamaður hér í borg.

Það fannst mér fyndið.

krísa kaþólikkanna..

sá nýji í "toppdjobbinu" kvartar yfir því að ekki fáist nýliðar í þjálfun.

eeehh bíðum aðeins við, tökum þetta aðeins saman: ekkert kynlíf og í ofanálag eru allir menn sem sýna áhuga umsvifalaust stimplaðir perrar og barnanýðingar eftir fréttir síðustu ára.

FURÐULEGT að það skuli ekki bara vera röð fyrir utan hjá þeim!

Lausnin er auðvitað ofureinföld, breytið skírlífisreglunni og losnið þarmeð við meirihlutann af ógeðsperrunum og hleypið svo konunum að.. þar með ætti fjöldi umsækjanda strax að tvöfaldast.

smekklausa konan..

má ég kynna nýja útgefandann minn:




og þar með var fyrsti geisladiskur dívunnar í höfn..

ó fokk..

What Famous Leader Are You?
personality tests by similarminds.com

hefur einhver séð vindilinn minn? lagði hann frá mér einhversstaðar..

og lokins lostinn brennur..

er ekki titillinn á nýju sögunni minni undir dulnefninu Chantal Lecroix (sem var nb að endurnýja mjög lúbríkeraðan samning við mills and boone.. iidjók) heldur vísun í það að nú loga eldar hinna eftirsóttarverðu lost-þátta hægt og bítandi í tölvu nashyrningsins og þó fyrr hefði verið!

og við súppi sitjum (eða réttara sagt rétt tillum hálfri rasskinn á sófakant af spenningi) yfir þessu öll kvöld og verðum lostafyllri með hverri mínútunni...

GAWD, hvernig er HÆGT að búa til svona spennandi sjónvarpsefni!

ÚÚÚÚÚÚ!

Hvaða dagur er betri dagur?

dagurinn sem maður fær fyrsta styrkinn fyrir diskaútgáfuna sína, 200 kall úr tónlistarsjóði :D

úúúúú!

Hvaða dagur er góður dagur?

dagurinn sem maður finnur frábæra, hástemmda, hálfsársgamla gagnrýni um sjálfan sig sem maður vissi ekki af.. það er eiginlega bara gaman :D

KEA-labbar

Þeir eru nú meiri fíflin þarna fyrir norðan. Málflutningur þeirra í fæðingarorlofsmálinu er með eindæmum.
Og ekki bætti stjórnarformaðurinn úr skák í Kastljósinu í kvöld þar sem hann reyndi af fremsta megni að hvítþvo sig og stjórnina með því að reyna að kasta sök á fráfarandi framkvæmdastjóra og kenna einhverjum trúnaðarbresti vegna annarra mála um fráhvarf hans úr starfi, án þess að vilja geta þess hvað hefði ollið þeim trúnaðarbresti. Þar með lá í loftinu að fráfarandi framkvæmdastjóri hefði gert eitthvað annað og verra af sér en að vilja hugsa um börnin sín.
Það sá hvert mannsbarn að ekki stóð steinn yfir steini hjá honum, hann er ekki betri lygari en svo að í hvert sinn sem hann hagræddi sannleikanum fór hann að stama og horfa í gaupnir sér.

Ég mælist hérmeð til að allir lesendur síðunnar fylgi fordæminu sem ég ætla að sýna héðan í frá og sniðgangi allar vörur frá KEA. Fyrir utan vörur merktar KEA sem eru frá fyrirtækinu Norðurmjólk ætti að sniðganga vöru frá Norðlenska Matborðinu. Undir þeim hatti eru t.d. Goði, Bautabúrið og Norðlenska.
Nánari upplýsingar um fyrirtæki sem KEA á í er að finna á vef Femínistafélagsins: feministinn.is.

Menn og málning - útibú

Langar einhvern að kaupa Harry Potter bók? þessa númer sex um hálfblóðuga prinsinn?

pantaði hana af netinu skoh og ætlaði svo að breyta móttökuadressunni í Hotel Residence Astoria, Viale Vespucci 19, Rimini, Italia en varð of sein og fékk ekki að breyta..

Fór svo bara á ströndina í rólegheitum og hélt að ég gæti þolað það að bíða þar til ég kæmi heim með að lesa hana, en NEEEEEII! var ekki lengi að kaupa hana eftir að ég fann hana í geggjuðu bókabúðinni á piazza di tre Martiri.

Sit þessvegna uppi með pöntun frá amasónunum og fúla póstburðarmenn sem eru alltaf að koma með tilkynningar hingað.

Hefði reyndar örugglega skilað henni því hún var í adult version og ég er svo lítið fyrir klám (iiidjók, bara öðruvísi kápa (eða iiidjók er ekkert lítið fyrir klám))og ég á allar hinar í barnalegu útgáfunni.

Waysany, bókin er til sölu á 1500 kall ef svo ólíklega vill til að einhver sé ekki búinn að kaupana! áhugasamir fari í röð í kommentum..

úff..

finnst ykkur ekki stundum þegar þið eigið alveg viðbjóðslega mikið eftir að blogga og þurfið helst að gera það í mörgum mismunandi bloggum svo þið séuð ekki bara að skrifa eina rosalega langa setningu án þess að nota púnkt, að þið ættuð eiginlega bara að sleppa því að segja fólki hvað Rimini sé æðislegur staður og hvernig þetta hafi verið besta frí í heimi og hvað ísinn á Ítalíu sé góður og hvað kallinn sem átti hótelið hafi gefið okkur margar freyðivínsflöskur bara af því að við þekkjum vissan "trompetleikara" (sérbrandari fyrir Skúla..) og hvað hafi verið leiðinlegt að ferðast heim af því að flugfélagið hafi verið fíbblalegt og hvað það hafi verið gott að koma heim í mýflugumynd áður en flogið var á mývatn til að halda tónleika með Áskirkjukórnum sem var skemmtilegt en þó ekki í líkingu við það að mæta sem "SÖLPLÆÆÆS!" í brúðkaupið hjá snillingunum Tóta og Guðrúnu Dalíu þar sem skemmt sér var langt fram á nótt með stórfenglegu fólki og öllum aðalútlögunum, gönsó, maggí, hrönn og helga auk bragsins sem var nú svona aukasölplæs fyrir mig og svo nýja vininum mínum honum Kristjáni Orra sem ég er samt ekki búin að fyrirgefa fyrir að hafa staðið sig betur í píanótímum hjá Jónasi Sen (en ég er nú ekki langrækin), og frá því að skemmtanahöldin hafi verið ansi erfið daginn eftir þegar skundað var í Akureyriskirkju til að syngja stystu messu í heimi fyrir þrjár manneskjur og hund (óþarfa uppvakning þar!) og svo hafi verið hangið á eyrinni í þynnkukasti og Keahótels saltfisk fram að tónleikum klukkan fimm í sömu kirkju þar sem mætti góður slatti af fólki but no canines sem var ágætt, þeir hefðu getað farið að spangóla með, og að ekki síðra hafi verið að hitta tengdafólkið og grylla nöddekjödd og fínerí áður en brunað var í bæinn með viðkomu í uppáhalds firði norska bloggarans til að hitta langömmu fyndna barnsins sem er nota bene einn aðalsnillingurinn á þessari jarðkringlu, þannig að ég er að hugsa um að sleppa því bara.