agalega er maður onorabúl

Read My Result
Take the Test

when I'm 69

faðir minn elskulegur á afmæli í dag, til hamingju með afmælið gamli minn :D

jólin

Sendi vinum og ættingjum um land allt svo og landsmönnum öllum hugheilar jóla og nýárskveðjur. Guð veri með ykkur, Væla Veinólínó.

fréttatilfinning gjöriði svo vel

Föstudaginn 22. desember næstkomandi kl 21.00 í Neskirkju, Hagatorgi munu Hallveig Rúnarsdóttir sópransöngkona og Steingrímur Þórhallsson orgelleikari halda árlega kyrrðar og íhugunartónleika sína. Í þetta sinn verða á efnisskránni gömul íslensk sálmalög í bland við tónlist Johanns Sebastians Bach.

Tónleikarnir eru hugsaðir sem mótvægi við hinn mikla hraða sem einkennir jólahald á okkar dögum og er þetta tilvalið tækifæri fyrir fólk að koma í miðjum jólaundirbúningi, setjast niður í kirkjunni sem verður aðeins lýst með kertaljósum, hlusta á fagra tónlist og komast í snertingu við hinn sanna anda jólahátíðarinnar og krisninnar.

Hallveig Rúnarsdóttir og Steingrímur Þórhallsson eru listamenn af yngri kynslóðinni sem hafa vakið mikla athygli undanfarin ár fyrir tónlistarflutning sinn. Þau hafa starfað saman við Neskirkju síðastliðin ár, þar sem þau stofnuðu ásamt fleirum tónlistarhópinn Rinascente.

Aðgangseyrir að tónleikunum eru 1500 krónur en 500 krónur fyrir aldraða og námsmenn.

ehá og einmitt, þannig var nú það, endilega mætið nú og slappið af ;) fyrir sýnishorn af dagskránni má kíkja á endann á tíu fréttum kvöldsins.

fynd dagsins

eins og kom fram í síðasta bloðgi er ég að syngja messías og magnificat á föstudaginn (kl 8 í Grafarvox, allir að mæta) og Ágúst Ólafs ofurbassi er að syngja með mér. Við sátum og biðum eftir að komast að og vorum að spjalla saman um daginn og veginn og ég fer að spyrja hann út í bakflæðivandamálið sem við eigum sameiginlegt.

Hallveig: fórstu einhverntíma í bakflæðiaðgerðina?

Ágúst: ha, Bach hvað?

Hallveig: já það er ekki hægt að neita því, ýmsir hefðu gott af því að fara í Bachflæðiaðgerð :D

þarf víst ekki að taka það fram að við hlógum að þessu eins og kjánarnir sem við erum!

hello darlings..

jæja, ég er nú reyndar komin með tölvuna aftur fyrir viku síðan en hef ekki haft mig í bloggið, of mikið að segja eða eitthvað.

Fórum á hátíðartónleika Melabandsins í gær, það var alveg skemmtilegt. Hún er nú þokkaleisjón mikið beib hún denís og mikið afskaplega syngur hún nú fallega! Melaliðar voru reyndar frekar ósamferða, sumir kenndu dírígentinum um en aðrir söngpípunni, en þetta gerði ekkert til. Hún Denís frá Gröf var svo geggjuð að hitt féll í gleymsku um leið.

Af mér er það að frétta að ég er búin að syngja á slatta af jólatónleikum og svona eins og gengur og á slatta eftir. Þetta stærsta er líklegast magnificat og messías með vox academica eftir slétta viku og svo auðvitað kyrrðartónleikarnir okkar Steina stuð þann 22. kl 9 eins og venjulega. Gott fyrir jólabrjálaða íslínga.

Þau fáheyrðu tíðindi eru svo í burðarliðnum að ég mun líklegast syngja ekki eitt heldur TVÖ óperuhlutverk á næsta ári og er það fáheyrt hjá ljóðaognútímasöngvaranum mér. Það fyrra verður titilhlutverkið í Acis og Galatea eftir Händel sem við í Rinascente ætlum að setja upp í samstarfi við Sumaróperuna og það seinna er hvorki meira né minna en fyrsta hlutverkið mitt í ÍÓ, ekki jafnstórt en það er sama.. gaman samt. Maður er þó allavega kominn með aðra afturlöppina þar inn, svo er bara að standa sig og þá fylgir vonandi meira eftir. Vil ekki segja hvað það er hér strax, veit ekki hvursu þetta er opinbert orðið.

Jamm og jæja.

farin að hlusta á überdúlluna mína hana Guðbjörgu syngja á jólatónleikum. Hún er krúttilingurinn sem er í X-Factor og sem Einar Bárðar umbi íslands og Ellý kjúforjú veðjuðu um í fyrsta þættinum.. spennó maður!