its bíginníng tú smell alott læk krissmass....

Djöh.. er ég búin að þrífa GEÐVEIKT mikið í dag! btw.. perlur eru skemmtilegt og þroskagefandi leikfang en eftir að hafa týnt upp þrjátíuogsjöþúsundáttahundruðfimmtíuogtvær svoleiðis í dag eru þær snarlega horfnar af my favorite toy list...

Annars er svo fínt hérna að ég er að hugsa um að herma eftir Kringlunni og hafa bara jólin núna! hei, ef þeir geta það af hverju ekki ég..

GLEÐILEG JÓL ÖLLSÖMUL!:)

(p.s. þið þurfið ekkert að koma.. það verða hvort eð ER engar rjúpur...)

hei smá meira gláp-öppdeit:

The breakfast club: Vááá.. frábært.. samt ekki eins góð og uppáhalds bratpack myndin mín, The sure thing

Will and Grace, season 1, þættir 1-4: þar sem ég var ekki með ská 1 fyrr en ég flutti hingað í Ásgarðinn var ég aldrei farin að sjá þessa frægu þætti, anski skemmtilegt bara..

leti dauðans

þar eð það er (hei þetta er kúl setning ;) prófið að segja þetta tíu sinnum hratt..) orðið VÆGAST sagt mikilvægt að þrífa hérna og einmitt vetrarfrí hjá mér í zúkka gamla (Zuzukiskólanum í Reykjavík þar sem ég kenni) er auðvitað upplagt að drífa í að taka pleisið í gegn. Hence.. the blog.

Hmm, þá er líklegast best að finna eitthvað gáfulegt að skrifa um.. hmmm.. hmmm.. neinei stelum bara brandara frá henni Stínu ;) (verð nú að fara að henda þér á linkalistann..)

A lobbyist, on his way home from work in Washington, D.C., came to a dead halt in traffic and thought to himself, "Wow, this seems worse than usual."

He noticed a police officer walking between the lines of stopped cars, so he rolled down his window and asked, "Officer, what's the hold-up?"

The officer replied, "The President is depressed, so he stopped his motorcade and is threatening to douse himself in gasoline and set himself on fire. "He says no one believes his stories about why we went to war in Iraq, or the connection between Saddam and al-Qa'ida, or that his tax cuts will help anyone except his wealthy friends; the press called him on the lie about Iraq trying to buy uranium from Niger, and now Campbell Brown is threatening to sue him for a sexual innuendo he made at a recent press conference. So we're taking up a collection for him."

The lobbyist asks, "How much have you got so far?"

The officer replies, "About 14 gallons, but a lot of folks are still siphoning."


Frekar góður finnst mér!:)

Annars það af mér að frétta að ég ætla að gera heiðarlega tilraun til að slappa af um helgina. Allir eru að fara í einhver halló-vín partí (hélt nú að flest partí væru halló-vín partí hér á landi) en sökum slysfara og magakveisu síðustu vikna held ég að það væri gífurlega skynsamlegt að vera heima um helgina.. sjáum hvernig gengur :)

Rjúpur eða fleskestæ.. það er smurningin...

ALVEG fer það í taugarnar á mér þetta væl í þessum rjúpnaskyttum.. Hugsið ykkur að fullorðið fólk skuli í alvörunni grenja yfir því í fjölmiðlum að fá ekki það sem það er vant í jólamatinn.. talar fjálglega um að það VERÐI ENGIN JÓL ef það fær ekki rjúpu, helst sem það hefur sjálft murkað lífið úr.. er ekki í lagi! kommon hvað eruð þið gamlir/gömul?? því dettur ekki í hug að það geti verið MIKILVÆGT að viðhalda stofninum, því er auðvitað skítsama um þennan þátt náttúrunnar eins og annað smálegt þar.. t.d. hálendið.
Þetta er bara svo týbískt fyrir þetta lið, þetta er sama pakkið og keyrir á milli vinnunnar og matvörubúðarinnar á risastórum eiturprumpandi upphækkuðum jeppatröllum (sem það á auðvitað ekki krónu í) líklegast til þess eins að fela minnimáttarkenndina yfir of litlum fjölgunarlíffærum (hmm hver kann íslenska heitið á reproductive organs..?).. keyrir svo á hundraðogþrjátíu úti á þjóðvegunum með börnin þrjú í aftursætinu og glænýja tjaldvagninn aftan í (líka í boði glitnis) og framúr hverjum einasta bíl, jafnvel á óbrotinni línu vegna þess að það ÞOLIR EKKI að einhver annar sé MÖGULEGA á undan þeim.. óendanleg frekja..

Vá þetta var nú meira blásið.. ekki slæmt :)

Hann á ammæl´í dag.. hann á ammæl´í dag...

Hann Jón sæti á afmæli í dag!! Til hamingju elsku kallinn minn ;)

ÆÆÆÆM DRÍMÍNG....

Ef ég yrði einvaldur í einn dag væri ein af fyrstu skipununum mínum þessi:

Það er STRANGLEGA bannað að hengja upp, minnast á, prenta eða spila NOKKUÐ sem minnir á jólin fyrr en 1. desember. Jafnvel þá skal hógsemi ráða ríkjum fram í miðjan mánuðinn.
(Föndurbúðir fá náðarsamlegast undanþágu frá þessari reglu, vegna eigin reynslu af því að oft þarf nokkrar tilraunir til að fá draslið frá þeim til að líta út eins og til er ætlast..)

Æjá, fékk æluna upp í háls í Kringlunni í gær, ofvaxin, ofhlaðin, gullhúðuð gerfigrenitré hangandi neðan úr hverjum loftbita, nú verður stefnan sumsagt sú að láta ekki sjá sig í því helvíti meðalmennskunnar þar til í janúar.. jeah right! ;) þá þyrfti ég að fara alla leið upp í Heiðrúnu til að kaupa Tiger handa súppa mínum.. það er allt of erfitt.. Maður verður víst að láta sig hafa það. Gæti kannski fengið lánað svona augnskjól eins og hestar eru með, farið inn og tekið stefnuna beint á mjólkurbúðina, þar inn og út aftur beina leið. Eða samið við ríkið um að fá að fara inn um vöruinnganginn..

En ferðin var ekki alslæm, hitti jú hana Stínu Fínu með gorminn sinn, hún var að sjá um ráðstefnu um einelti um daginn.. ótrúlega dugleg. Versta var að ég frétti ekkert af ráðstefnunni fyrr en eftir að hún var búin, svona er að fá ekki moggann, maður veit aldrei neitt! Var reyndar á svaka hlaupum, bæði þurfti ég að fara að sækja fyndna barnið í skólann og var svo jú að flýja jólaviðbjóðinn.. tala betur við þig næst stína mín :)

ehá og einmitt

Eyddi gærdeginum mestan part í akstur.. mjög gott fyrir bakið, mæli með því...

fór nebblega og söng í brúðkaupi á Fáskrúðsbakkakirkju.. SAY WHAT?

Er semsagt kirkja á sunnanverðu snæfellsnesi, gamlir kunningjar að gifta sig, Svanhildur og Sigurður Ágúst og til hamingju með það bara..

Eru nú bæði tvígift, og það löglega því þau voru að gifta sig í annað sinn í gær.. fyrsta skiptið var í Köben í fyrra, því þau vildu ekki eignast frumburðinn og vera ógift.. skil ekkert í því.. mér fannst það nú bara virka fínt ;) Ekki er ég allavega búin að gifta mig og get ekki séð að fyndna barnið þjáist yfir að vera óskilgetið.. hmmm

En þetta var allt saman voða sætt, Svanhildur gazalega sæt í brúðarkjólnum og Sigurður Ágúst stjarfur af hamingju.. frekar utan við sig greyið (sem er víst frekar algengt með brúðguma) . Maturinn góður, forréttirnir algjör Schnilld, reyktur og grafinn heimaveiddur lax úr mývatnssveitinni og heitreykt heimaskotin gæs.. líklegast líka úr mývatnssveitinni. Svo kaldur skötuselur á spjóti sem var algjört jömmí. Eins og venjulega á svona hlaðborðum var aðalrétturinn svo ekki nærri eins góður og forrétturinn.. samt bara alveg ágætis lamb (heimaniðurkeyrt úr mývatnssveitinni kannski?) og einhver grís á stangli..
Með kaffinu geggjuð súkkulaðibrúðarterta og sörur... not too shabby for Væla! Vínin voru mjöög girnileg, alvöru sjampanj og ágætis rauð og hvít áströlsk.. drakk nú samt ekki nema tæpt hálft glas af hverju því ég var jú að fara að bruna heim..

Fór nú samt ekki af stað fyrr en um tíu leytið og var þokkalega syfjuð að keyra þetta í einn og hálfan tíma í þoku, rigningarsúld og þokkalega leiðinlegu útvarpi..

:)

ég meina það..

Ef einhver á í vandræðum með að það sé að þorna of mikið gróðurinn í garðinum hjá þeim hef ég fullkomið ráð:

Fáið mig til að koma og hengja út þvott.. garanterar rigningu á næsta klukkutíma

hmm kannski get ég gert úr þessu viðskiptahugmynd! Verið á svaka kaupi hjá Sameinuðu þjóðunum í að ferðast milli afríkulanda þar sem uppskerubrestur er yfirvofandi með blauta þvottinn minn í bala? Ætli þeir leyfi mér að halda tónleika í þessum löndum líka svona meðfram..?
Gæti kannski sungið lög sem hjálpa þeim að notfæra sér nýsprottnar náttúruauðlindir, t.d. ká a eff eff i eftir Bach.. nú eða bara piparkökusönginn..

Hugmynd..

Múhahahahaha

Baggalútur getur verið óendanlega fyndinn.. en að öðrum ólöstuðum er það Enter kallinn sem ræður ríkjum þar á bæ..

Ætlaði að koma með link á þessa grein eftir hann en what the heck, hér kemur hún:

Baráttudagur kvenna
Ásamt því að sækja um launahækkun eru íslenskar konur hvattar til að:




Sofa yfir sig.

Fara í sömu nærföt og í gær.

Pissa á setuna - og útfyrir, ef tími vinnst til.

Mála sig ekki - og alls ekki raka.

Mæta of seint í vinnuna - sparka í stimpilklukkuna.

Fara strax í kaffi - kvarta yfir því að það sé a) of kalt b) of sterkt c) of svart.

Prumpa.

Reyna við undirmennina - eða bara klípa þá í tippið.

Fara of snemma heim - biðja næturvörðinn að stimpla sig út.

Flauta á alla karla í umferðinni og senda þeim fingurinn - eða ulla.

Gleyma að sækja börnin á leikskólann.

Setjast fyrir framan sjónvarpið um leið og komið er heim.

Fá sér bjór.

Urra - jafnvel bíta - ef einhver spyr eftir kvöldmat.

Ropa.

Sofna yfir Idol.

Fá sér bjór.

Leggjast í öllum fötunum í rúmið og helst strá yfir það brauð- eða kexmylsnu.

Sofna áður en makinn nær að bursta tennurnar.

Hrjóta.

Etr.

Bið hérmeð náðarsamlegast um leyfi til að birta efni frá þér á bloggsíðunni minni Enter minn ;) blikkblikk (hei, betra er seint en aldrei..)

Þakka henni Herdísi minni fyrir hlý orð í minn garð.. sneðugt þar eð bloggið hennar er búið að vera eitt af mínum al-uppáhaldsbloggum alveg síðan ég fann það ;)

VEI!

Fór í VÍS í dag.. var þokkalega ánægð með mína menn. Þeir ætla að borga viðgerðina á bláu þrumunni (aaaa við bláu þrumuna, aaaa við bláu þrumuna.. góður bíll) og svo ætla þeir líka að endurgreiða mér ALLA peningana sem ég þarf að láta læknana fá! hmm.. er að fara til tannsa í næstu viku.. ætli ég geti skellt því með í hrúguna? sé þetta alveg fyrir mér:
"já, sko ég fann bara alveg GREINILEGA að vinstri augntönnin skekktist lítillega við höggið..."

Og fyrir ykkur sem eruð að spegúlera: já þetta ER sami tannlæknir og keyrði á mig fyrir 10 árum! sem gefur mér aðra hugmynd sem væri góð fyrir VÍS.. kannski vorkennir hann mér svo mikið að hafa lent í þessu aftur að hann gefur mér fríbí!
Má alltaf reyna.. ;)

VÍS má eiga það, þeir eru ekki svo slæmir.. allavega ekki fyrir okkur.. skiptu jú þrisvar um gólf á njallanum... Sjáum ekki eftir einni einustu krónu í þá félaga. Erum jú í ÞOKKALEGUM plús.. og ekki bara F- plús! hehehe.. I´m so funny..

Áframhaldandi öppdeit á glápið:

Myndin með Heather Graham hét Committed: ÞVÍLÍKT RUSL!!! ef þið sjáið hana í hillunni hlaupið þá æpandi í öfuga átt.. þó það sé í átt að hillunni með myndum með Bette Midler og Lizu Minelli...

Svo horfði ég á Possession: mér fannst hún æðisleg.. því ég vissi ekkert um hana fyrirfram. Prime Time Chick Flick.

Horfði svo á Bachelor (já ég veit, ég veit en ég er VEIK!) og einn fyndnasta sex and the city þátt (eða dræsurnar frá Dalvík eins og við súpermann köllum þær) sem ég hef séð! Allavega þann langbesta í þessari syrpu.. nóg blaður.. time for some crypton love....

ok, best að summerísa það sem komið er:

Fjögur brúðkaup og jarðarför : klassík

View from the top: sæt lítil flugfreyjumynd.. gjörsamlega heilalaust áhorf.. ekki slæmt.

Ally McBeal, þættir 17-20 af seríu 3: Var mjög stutt með stöð 2 og átti eftir að sjá alla Ally næstum því.. er hægt og bítandi að vinna mig í gegn... Ally sjálf er vægast sagt þvílík væluskjóða en það eru nokkrir frábærir karakterar í þessum þáttum, uppáhöldin mín verandi Ling, Richard og John..

Down to you: fjöldaframleiðsla af nýja bratpack liðinu (Freddie Prince Jr. , Julia Stiles, Selma Blair osfrv.. má ég þá biðja um Andrew McCarthy, John Cusack, Molly Ringwald, Emilio Estevez og félaga.) Not worth it!

Anger Management: alveg fyndin! Adam Sandler og gamla brýnið Jack Nicholson fara á kostum.

Og í dag eru það þættir 17-20 af 9 seríu af friends og einhver stúbid mynd með Heather Graham sem ég man ekki einu sinni hvað heitir.. I´ll keep u posted.

smá RDJ:

Eftir að pabbi hennar var búinn að skafa rúðurnar:

Ragnheiður Dóra: Pabbi, varstu að skúra ísinn?

í bílnum:

Ragnheiður Dóra: mamma, þú ert með lítið hár.

Mamma: er ég með lítið hár?

Ragnheiður Dóra: neeei þú ert með stórt hár. Ég ruglaðist.

HRUMPFH!

Er að reyna að ákveða hvorir eru meiri glæpamenn, lánasjóður íslenskra námsmanna eða bankarnir.. ? Var í lánaveseni í allan morgun nebblega.. viðgerðarmenn hjá þvottavélakaupmönnum koma reyndar sterkir inn hér í keppnina fyrir ofan..

choices, choices....

(ok fer bráðum að sleppa úr þessari hálshnykksprísund og þá LOFA ég að bloggið verður aðeins skemmtilegra..;) Hjá mér þessa dagana er það nefnilega hápunktur dagsins þegar þvottavélaviðgerðarmaðurinn kemur og ég þarf að punga út 5319 krónum fyrir að láta segja mér að það sé í fínu lagi með vélina.. gaman)

argh mér leiðist! VÆÆÆÆÆL! það má nú alveg vorkenna mér soldið.. hringja eða koma í kaffi með viðkomu í bakaríinu eða eitthvað? ha? anyone?

ehrmm best að taka það strax fram að tannlæknirinn minn keyrði samt EKKI viljandi á mig :) Fattaði allt í einu að það leit þannig út hjá mér.. tíhí

Bleeeeehhh

Argh! Árekstur dauðans í dag! Einhver dúddi að flýta sér svo mikið út á flugvöll að hann keyrði á mig á rauðu.. 3 1/2 tími uppi á slysó og engin vinna út vikuna.. allavega ekki fram á föstudag..
Hefði líklegast ekki verið svo slæmt ef ég hefði ekki lent í því sama fyrir 10 árum.. þá keyrði tannlæknirinn minn á mig á fullu blússi (mér fannst það nú óþarfi ÞÓ ég hafi alltaf bitið hann þegar ég var lítil..), eftir þann árekstur var ég með kraga í einverjar vikur, er það nú ekki núna en þetta þýðir að ég þarf að vera extra passasöm í þetta skiptið, víst ekki sniðugt þegar þetta margendurtekur sig..! argh! segi það enn og aftur.. argh!

smá ljós í myrkrinu: Bónusvídeó var svo hugulsamt að vera EINMITT með tilboð í þessari viku.. tvær spólur á 250 kall ;)
Fátt er svo með öllu illt.. I can catch up on my bad movie time..

í morgunsárið:
Ragnheiður Dóra: Mamma, finnst þér gott að hafa rúsínur í harmagrautnum?

zæll

Er búin að komast að því að ég myndi seint vera tekin inn í húsmæðraskólann. Var að elda lambasteik í fyrsta skipti á ævinni, (eða annað reyndar, held ég) mamma í mat ossona, og þá dundu ósköpin yfir.. ég átti engan matarlit!!!! var búin að baka upp þessa fínu sósu og bragðbæta með rósmaríni og bláberjasultu (steikin var nebblega bláberjalegin og kartöflurnar kryddaðar með rósmaríni) en það versta var að hún leit út fyrir að hafa komið upp úr magaveikum ketti! Sama hvaða enda!
Mundi sem betur fer eftir gamalli skólasystur sem býr hérna á 137 og skokkaði yfir til hennar í snarheitum og reddaði málunum. Skellti svo þónokkrum slatta af litnum útí.. sem kom í ljós að var VÆGAST sagt ríflegt magn þannig að nú var sósan bleksvört.. og mamma og ég hangandi drykklanga stund í eldhússkápshönkunum organdi úr hlátri.
Jæja, mamma gamla náttúrulega með ráð undir hvurju rifbeini og málunum reddað með næstum heilli dollu af sýrðum rjóma.. needless to say þá bragðaðist sullið með ágætum.
Fór að pæla í þessu eftir á, ég kann ekkert að elda svona gamaldags mat! þegar ég elda á annað borð er ég öll í parmigianohjúpaða kálfakjötinu eða innbakaða skötuselnum, en að steikja fiskibúðing úr dós! gleymdu því..
Enda er fyndna barnið oft óskaplega matgrönn hérna heima á meðan hún hakkar í sig slátur og kjötbollur í brúnni sósu í leikskólanum.. hmmm

Annað í dag voru tónleikar hjá henni Gunnu.. mjög gaman þrátt fyrir töluverða erfiðleika við hlustun á Haugtussu Griegs, þegar ég vinn eitthvað svona intensíft þá er það svo svakalega nærri mér og svo stór hluti af mér að ég á ekkert sérstaklega gott með að heyra aðra flytja það.. en hún gerði það nú samt svakalega vel og alveg AFSKAPLEGA ólíkt mér. Sem er gott.

Gærkvöldið var þokkalega skemmtilegt! Sling rúlaði auðvitað eins og venjulega, the Kills er núna orðin uppáhaldshljómsveitin mín.. vá þau voru svo ótrúlega schvöl, þvílíkt kemistrí í gangi á milli þeirra, hei ef það virkar í bíó af hverju þá ekki hjá hljómsveit? (nokkuð ljóst að farið verður á freistinguna miklu) Og Quarashi voru vægast sagt stórkostlegir.. nema nýji gaurinn, hann hefur ekki ennþá nógu góðan presens.. en það kemur örugglega með meiri reynslu.
Verst var þó að aumingja Jón dauðlangaði með mér, en ENGINN gat passað fyrir okkur! ótrúlegt.. sama uppi á teningnum í kvöld, við ætluðum að fara saman á Gaukinn að heyra í Eighties Matchbox B-Line Disaster! en aftur er enginn sem getur verið hjá fyndna barninu.. hvað er að gerast eiginlega! nokkuð ljóst að við þurfum að fara að fjölga í gæsluliðinu.. einhverjir sjálfboðaliðar???

Fór nú samt ekkert of seint heim.. um hálfþrjú, enda hefur dagurinn ekki verið svo slæmur.. ;)

og í dag sagði hún:

Ragnheiður Dóra: Mamma, þú verður að halda á mér, ég get ekki labbað sjálf því ég er svo þung.

Frábært. geggjaður letimorgunn hjá mér og fyndna barninu í morgun og nú get ég ekki sofið..

Hlakka þvílíkt til á morgun, þá verður nefnilega gæða kellingakvöld hjá ofurgellunni mér, ofurgellunni Margréti Maríu og ofurgellunni Heiðu Jóns.. og hvað gerum við á kellingakvöldi? Drekkum long island iced tea og förum á singapore sling á iceland airwaves! ROKK ONN!

Tilvitnun dagsins í fyndna barnið:

Ragnheiður Dóra: Óskar henti drullu í Andreu Sif.

Mamma: það var nú leiðinlegt. En hvað varst þú að gera í dag?

Ragnheiður Dóra: nú, sinna Andreu Sif.

það er fátt skemmtilegra en að fá pakka frá freistingunni miklu.. Cash, Schnittke og fleiri töffarar komu í hús.. alveg skemmtilegt ;)

Tónleikar dauðans

ómægod hvað þetta er MAGNAÐ stykki! ég gleymi þessum konsert ekki í bráð... söngkonan Helene Gjerris var stórglæsileg, það leit út fyrir að hún væri að syngja þú eina hjartans yndið mitt, en ekki eitt erfiðasta stykki söngbókmenntanna.. mig langar að syngja þetta líka! jejeje þarft bara að láta þér vaxa sosum eina áttund neðan á raddböndin Hallveig mín! Kannski eftir kynskiptiaðgerðina.. hmmm
Caput var líka geggjað eins og venjulega, ég er bara farin að hlakka til í mars.. ;)

jólajóla

já, já, giggin raðast upp um jólin.. ekkert nema gott um það að segja, farið að glitta í dollaramerkin í augunum..
fór af þeim sökum í flensusprautu í morgun.. ætla EKKI að missa helming tekna minna í desember eins og gerðist jólin ´99, fór ekki í sprautu það árið vegna bumbubúans sem er nú orðinn að fyndnasta barni í heimi, og það var eins og við manninn mælt, lagðist í flensu DAUÐANS og hefði eins getað snýtt mér í fimmþúsundköllum.. vææææl.
meðal annars ætlum við Steini að reyna að koma saman afstressunarjólasöngvum, helst í Landakoti þar sem fólk getur komið eftir kaupæðið og hvílt lúin bein og kreditkort undir ljúfum tónum.. gæti orðið skemmtilegt :) En meira um það síðar.

Af fullorðnum vinum

Átti mjög skemmtilega stund með Þóru Björk vinkonu í gær. Við töluðum meðal annars um hvað það er gaman að verða fullorðin, maður verður svo afslappaður eitthvað.
Fór að pæla í þessu um daginn, eftir annað gott samtal við aðra vinkonu mína, sú var að kvarta yfir leiðindum og hroka í einhverjum smástelpum sem voru með henni í skóla og við fórum að rifja upp hvað við hefðum sjálfar verið hrikalega leiðinlegar og sjálfhverfar þegar við vorum tvítugar. Þá var FÁTT hallærislegra en einhverjar þrítugar over the hill kvensur!
Þetta fylgir bara aldrinum nefnilega. Þegar maður er tvítugur er maður líka svo upphafinn, allt þarf að hafa svo mikla meiningu, maður les ekkert nema heimsbókmenntir og umræðuefnin eru flest á heimspekilegum nótum..
þegar ég var í MH hefði ég t.d. fyrr skorið af mér hægri handlegginn en viðurkenna að mér finnist gaman að hlusta á Kiss FM í bílnum.. sem mér finnst.
Æ já, þetta er mun betra núna. Og mér þykir vænt um vini mína.

ekkert kaffi! EKKERT KAFFI!! NNNOOOOOOOOOOOOOOOOOO!!!

Elsku kallinn dottinn í bloggið.. kúl, hann færist þá til á virðingarstiganum, á móti fær stóri/litli/stóribróðir minn að hrynja niður í ekkibloggið því hann er eiginlega aldrei að blogga greyið..

Rauðvínslögn nr. 3 komin á flöskur.. myket bra! helv.. fínt hjá okkur bara, alveg sambærilegt á við 900 kalls flöskur úr mjólkurbúðinni. Ég segi bara SKÁL.

Og snilld dagsins frá 3 ára krílinu var:

Á klóinu:

mamma: pabbi þinn hefur sett þig í öfugar buxurnar..

Ragnheiður Dóra: Já, hann er svo öfugsnúinn.

Hermdi eftir Herdísi vinkonu og vildi vita hvað ég væri mikið einhverf..
fékk bara 5 stig og telst þannig líklegast úthverf, þar eð meðalkvensan fær 15 stig.. hmmm

Þingvellir eru ÆÐI á haustin.. svo er gaman í sundi þegar allir hinir á landinu eru að horfa á "okkur" skíttapa fyrir zauerkraut-ætunum..
ég ætla bara RÉTT að vona að enginn fari að blammera gaurana í landsliðinu, þetta var ekkert smá frábær árangur sem þeir náðu í þessari keppni.. áfram ísland! :)

Hann vann..

nú detta mér allar dauðar lýs...

hann er sosum voða sætur, en seríósið fór með það..

You will reside with Aragorn in Rivendell, or you
may just travel with him.


Who would you reside with in Lord of the Rings? (recomended for girls, unless u are gay, or if you're bored, and u are just taking any random quiz...)
brought to you by Quizilla

YEEEEESSSSSS!!!! Viggó, ég bíð! (blikkblikk)

Meiri RDJ:

í mömmuholu:

Ragnheiður Dóra: Máney.. er hún í leikskólanum?

Mamma: já, Máney Rós.

Ragnheiður Dóra: ég var bara að grínast.

Yfir grjónagrautnum:

Ragnheiður Dóra: það er súpa í matinn.

Mamma: nei, þetta er grautur.

Ragnheiður Dóra: Nei þetta er súpa!

Mamma: Nei, grautur.

Ragnheiður Dóra: Má ég segja eitt?

Mamma: já.

Ragnheiður Dóra: (syngur) þetta er súúúpaaa..

Múhahahhaaha

rakst á þetta á blogginu hennar Tótu víólu,
semsagt kosningu um kynþokkafyllsta kallinn á landinu.. ég auðvitað geðveikt spennt að skoða og hver er fyrsti maðurinn sem kemur upp?? enginn annar en AUDDI, heimsmeistari Íslands í seríós-slefi, maðurinn sem lét mig teygja mig í fötuna á hverjum morgni í allt haust þegar ég keyrði fram hjá honum hangandi á strætóskýli..

u gotta be FUCKING kidding me!

en er við öðru að búast af Vikunni og LÉTT FM?

argh! póstþjónusta dauðans í ammriggu.. elsku kallinn ekki ennþá búinn að fá pakkann sinn.. segi bara eins og Herdís vinkona.. SKAMM Palli!

Samkvæmt kaffiprófinu er ég
Frappuccino!
ískalt kaffi með mjólk og ísmolum, borið fram í háu glasi með röri.
Hvernig kaffi ert þú eiginlega?

Frappuccino!
Þú ert jákvæður og nýjungagjarn einstaklingur sem hikar ekki við að gera óvenjulega hluti og klæðast litskrúðugum fötum. Þú ert týpan sem hleypur á eftir strætó langar leiðir með hrópum og köllum ætli hann að fara án þín.

Þú ert ískalt kaffi með mjólk, sykri og ísmolum, borið fram í háu glasi með röri.



Kúúúl.. í orðsins fyllstu ;)

Af ríkisreknum kapítalistum

ætli Hannesi Hólmsteini finnist aldrei óþægilegt að vera gjörsamlega haldið uppi af ríkinu?
nú getur hann ekki einu sinni borgað fyrir lögfræðinginn sinn.

í fyrirheitna landinu hans amriggu segja menn oft.. live free or die. hjá honum er það live FOR free or die...

Af teflonheilum

Ég er með algjöran teflonheila. Ég man ekki neitt stundinni lengur, þarf að svamla um í sellupollinum í hálftíma ef ég þarf nauðsynlega að rifja eitthvað mikilvægt upp.. sem leiðir til þess meðal annars að ég er alveg hræðileg í trivial pursuit.. ég meinaða.. hvernig er hægt að gleyma nöfnunum á bæði Michael J. Fox OG Bette Midler í einum leik!!!
Ég man reyndar aldrei nöfn á fólki eða hvaðan ég þekki það.. frekar hvimleitt þar eð fólk virðist (af einhverjum ástæðum.. ehrmm) alltaf muna eftir mér (er nefnilega líka með athyglissýki dauðans..). Þannig er örugglega fullt af fólki úti í bæ sem heldur að ég sé geðveikt góð með mig að heilsa þeim ekki.. ÞAÐ ER EKKI ÞAÐ! ég man bara ekkert hver þið eruð ;)

Það er þokkalega fyndið þegar við Þóra Björk vinkona hittumst því hún er með svipað case of the stickfree mind og ég.. verri ef eitthvað er. Við hittumst t.d. um daginn í hádeginu einu sinni sem oftar, og ræddum þar mörg mikilvæg þjóðþrifamál s.s. fylleríisplön helgarinnar og verð á hárgreiðslustofum, en það var alveg merkilegt að í hvert skipti sem einhver truflun kom uppá, símhringing eða þjónsræfill, tók það okkur þónokkra stund að rifja upp hvað það var sem við höfðum verið að tala um rétt áður!
Annars er fjölskyldan hennar Þóru með fyndnara fólki, bróðir hennar, snillingurinn hann Halli er reyndar ÓTVÍRÆÐUR heimsmeistari í límleysisheilaeign síðan hann var morgunn einn úti á strætóstoppistöð í ÞÓ nokkrar mínútur að reyna að rifja upp hvað hann héti! Ekkert nema snilld!;)

Annars er ég með kenningu um þessa teflonheila því ég hef tekið eftir því að þetta er alls ekki óalgengt meðal fólks af minni kynslóð. Á meðan gamlingjarnir muna eftir prestsheimsókninni 7 nóvember 1923 þegar þau voru 5 ára, munum við ekki hvað við vorum að gera í fyrradag.
Það er að ég held einföld skýring á þessu. Þegar presturinn kom í heimsókn til hans Guðjóns gamla í nóvember ´23 hafði EKKERT annað markvert gerst þann veturinn hjá þeim á bænum! Engar auglýsingar komið fyrir augu og eyru þeirra, engir tölvuskjáir, sms, umferð í kring um þau osfrv.. hugsið ykkur muninn á fjölda skilaboða sem þeirra heili þurfti að vinna úr og svo okkar.. óTRÚlega mikill. Við erum bara því miður ekki orðin nógu þróuð til að heilinn geti unnið úr þessum ósköpum. Þess vegna munum við kannski að nýjasta Arielþvottaefnið angar eins og furuskógur en ekki að við áttum að mæta á fund kl. 4....

Talandi um ariel hér kemur meiri snilld frá krílinu:

Fréttamaður: Ariel Sharon, forsætisráðherra Ísraels sagði af því tilefni...

Ragnheiður Dóra: Aríel.. hún er líka hafmeyja, alveg eins og María.. (Quote úr Hafmeyjunni 2)

Frekar fyndin mynd sem kom í hausinn á mér þarna ;) tíhí

hann kalli er snilli.. hann fann þessa síðu...váááááá....
en þessi er ekki síður snilld!!!

Símar hata mig.. ekki veit ég hvers vegna.

Símarnir tveir í lífi mínu þessa dagana eru heimilissíminn og gemsinn minn, hvor öðrum illgjarnari. Heimilissíminn er plastdrasl sem var ódýrasti síminn með númerabirti sem okkur tókst að grafa upp í fyrra (enn ein sönnunin fyrir því að níska borgar sig ekki alltaf..hrummpff), hann virkaði aldrei almennilega, á njallanum gátum við ekki verið með hann í sambandi því hann ruglaði algjöradraslið (adsl-ið) og það var náttlega ekki hægt! gotta have the puter... þannig að gemsareikningarnir ruku upp þar sem enginn var heimilissíminn.. í marga mánuði. Svo komum við í Ásgarðinn og hugsum okkur gott til glóðarinnar að geta farið að tala í símann eins og venjulegt fólk. Þegar við stingum elskunni í samband kemur í ljós að hann er orðinn hás af vannotkun, jarmar eins og mæðuveik rolla í maraþoni þannig að það er varla að við heyrum í honum þegar hann hefur upp raust sína.. sérstaklega ekki þegar við erum á einhverri annarri hæð en hann. Svo dettur hann úr sambandi í tíma og ótíma.. en það er bara til að fara í taugarnar á okkur.

Gemsinn er svo kapítuli út af fyrir sig. Hann er farinn að taka upp á því að deyja í tíma og ótíma, sérstaklega er það vinsælt þegar ég er í mikilvægum símtölum, helst í sambandi við vinnuna. sim kortið dettur úr sambandi stundum og stundum hafnar hann símtölum alveg upp úr sjálfum sér! hver segir svo að það sé ekki ritskoðun á íslandi! En hann er samt voða sætur, það er mynd af kalla og kobba á honum (calvin and hobbes fyrir ykkur sem munið ekki eftir þjóðviljanum) og hann spilar prúðuleikaralagið fyrir mig þegar einhver þarf að ná í mig.. elskan litla.

Prúðuleikaralagið er annars ekki svo góð hugmynd eftir allt.. þetta símalag hefur nefnilega verið über reality check hjá mér stundum! Ég komst semsagt að því í fyrra að ENGIN börn þekkja þetta lag. Ég spilaði það fyrir öll 70 börnin sem ég var að kenna í fyrra og ekki eitt einasta þeirra þekkti það.. ég lagðist náttúrulega í nett þunglyndi yfir því hvað aldurinn færist hratt yfir en þetta var bara byrjunin.. ég fór nefnilega svo í vor austur í óperu til Keith og þeirra og sat þar hjá hrúgu af hljómsveitarkrökkum.. fór að segja þeim frá þessari óskaplegu vanþekkingu hjá blessuðum börnunum og spilaði lagið fyrir þau til áhersluauka. Þá kom aðalsjokkið. Ekkert af ÞEIM þekkti lagið!! AARRGGGHHH!! og þetta var fólk sem ég var á djamminu með!!!! Hringdi bara strax og pantaði Botoxið þegar ég kom heim...

Ragnheiður Dóra: Það var bara EINN sveppur í leikskólanum!

Mamma: Borðaðir þú hann?

Ragnheiður Dóra: nei.. mér finnst hann svo óóslekkur.


gotta love´em..